Ukuhlanganisa imiphakathi eraga amasiko
Leli likhaya lethungelelwano (online) lesiqhema esisebenzako okusiqhema sabarholi bemiphakathi yamasiko ahlukahlukeneko abavumelene ngokubumba umzamo wokuhlangana (okulithungelelwano lemiphakathi eraga amasiko) ukubavumela ukobana babe neengcoco ngendlela ehle begodu bahlangane eendabeni ezithinta ukubumbana neenkareko ezithileko okungezabo.
Joyina umzamo
Boke abarholi bemiphakathi eraga amasiko bayamenywa ukobana babe yingcenye yalomzamo wokuhlanganyela. Okhunye godu abadosiphambili bayamenywa begodu bayakhuthazwa ukobana babelane ngemibonwabo mayelana neentjhijilokazi ezembethe imiphakathi eraga amasiko kunye neendaba lezo ekufanele kube ngizo ezitjhejwako ngokomzamo wokwenza isiqiniseko sokobana kuba nekusasa elihle nelinokuthula eenzukulwaneni zanje nakilezo ezisezako.
Sibawa uthintane nesiqhema esisebenzako ngokuthumela i-imeyili ku-info@peoplesdialogue.org.za.
Isendlalelo
Ukuhlangana kokuthoma: 4 August 2025
Isiqhema sabadosiphamili ababuya emiphakathini ehlukahlukeneko yemiphakathi eraga amasiko eSewula Afrika babamba umhlangano wethungelelwano (online) ngomhlaka-4 ku-August 2025 ukucocisana ngekghonakalo yokuhlangana ukuze balungise umtlolo wombono ongethulwa kubasekeli beNgcoco yeliZwe loke (National Dialogue). Kilowo mhlangano kwathathwa iinqunto ezilandelako:
- Abadosiphambili bavumelana ngokuhlanganyela umtlolo onemibono ozokuthunyelwa kileNgcoco yeliZwe (i-National Dialogue) okumtlolo ozakutjho imibonwabo yenarha ebuya ehlangothini elikhethekileko lemiphakathi eraga amasiko.
- Lomtlolo onemibono uzakumenyezelwa tjhatjhalazi ngaphambi kwangomhlaka-15 August 2025.
- Okhunye godu abadosiphambili bavumelene ngokuthi bamemezele umzamo wokuhlangana (ithungelelwano lemiphakathi eraga amasiko) ozakuqalana nokwenza itlhatlha lomtlolo wemibono.
- Kwahlonywa isiqhema esisebenzako ukobana sibuthelele itlhatlha lomtlolo wombono begodu ovunywe badosiphambili, omayelana nemibono enikelwe badosiphambili ngesikhathi somhlangano nangemva komhlangano.
- Umzamo wokuhlangana unqophe esikhathini esizako begodu udlulela nangale kweNgcoco yeliZwe.
Okwenzekako
Ngemva kwalokho isiqhema esisebenzako sithole imibono kubadosiphambili begodu sibumbe itlhatlha lomtlolo obuthelele imibono ngaphasi kwemimongondaba ejayelekileko abayibonileko. Ngomhlaka-8 ku-August 2025, iinhlangano ezikhamba phambili zamemezela ukuphuma kwazo emalungiselelweni wesiqhema somsebenzi weNgcoco yeliZwe (iNational Dialogue) naku-Ngcoco yesiVumelwano sokuThoma i-the First National Convention of the National Dialogue ebewuhlelelwe umhlaka -15 August 2025.
Ukuhlangana kwesibili: 11 August 2025
Umhlangano oyilandelela wabanjwa badosiphambili ngomhlaka-11 ku-August 2025 ukobana kucocisanwe ngemibono etholiweko, umtlolo olitlhatlha lomsebenzi kunye nangekambiso ezakulandela, edzimelele kilokho okuzokwenziwa. Kilowomhlangano kwathathwa iinqunto ezilandelako:
- Abadosiphambili bavumelana ngokuragela phambili nokuhlanganyela umtlolo ozakutjengisa iintjhijilo eziqakathekileko imiphakathi eraga amasiko eqalene nazo enarheni, okungizo ekufanele zitjhejwe ntanzi, kiyo iNgcoco yeliZwe imbala.
- Umzamo wokuhlangana uzakwenziwa ukobana ube semthethweni ngokuhlanganyela nokuphumeleliswa kwesisekelo somtlolo osemthethweni.
- Ikambiso yemihlangano yethungelelwano nemihlangano yokuhlangana ubuso nobuso izakulandela ukobana kuqedelelwe lokhu okungehla.
- Imininingwana ephathelene nemihlangano nalokho ekufanele kwenziwe, kufakwe hlangana iimemezelo zomphakathi neentatimende zemirhatjho, kuzakulawulwa siqhema esisebenzako.
Umlayezo onamandla
Umzamo wokubambisana uthumela umlayezo onamandla othi imiphakathi eraga amasiko kanye nabadosiphambili bayo – labo amezwabo angalalelwako esikhathini esinengi – benza umsebenzi nomzamo ngokubumbana nabanye ukobana kuzuze iinzukulwana zanje nalezo ezisezako.
Iintatimende zeenrhatjhi
Abadosiphambili ababuya emiphakathini ehlukahlukeneko eraga amasiko bayasebenzisana eNgcocweni yeliZwe loke nangemva kwayo
Sithinta
Imininingwana ongathintwa kiyo
Tjhiya umlayezo
"*" indicates required fields