Amaqela Oluntu  Aneenkcubeko Zawo Abasebenzisanayo

Eli likhaya elikwi-intanethi leqela lokusebenza, elingumqheba weqela leenkokeli zamaqela oluntu aneenkcubeko zawo, ezivumeleneyo ukuba ziseke ilinge lokusebenzisana (unxibelelwano lwamaqela oluntu aneenkcubeko zawo). Olu nxibelelwano lolokuba ezi nkokeli mazibe nokuthethana ngokunentsingiselo, ziphathane ngokuthembeka, zisebenzisane kwimicimbi ezichaphazela ngokufanayo, emalunga nezinto ezidla umzi emazixelwe ngokuphandle.

Joyina eli linge

Zonke iinkokeli zamaqela oluntu ahlala ngokweenkcubeko  zawo ziyamenywa ngobubele ukuba zibe yinxalenye yeli linge lokusebenzisana. Iinkokeli ziyamenywa kanjalo, futhi ziyakhuthazwa, ukuba zivakalise ezazo iindlela zokubona malunga nemingeni engundoqo ejongene nabantu beenkcubeko zabo. Zikhuthazwa ke ukuba zithi, zakuba zijoyinile, zibeke imicimbi efanele ukuba kujongwe yona xa kusenziwa iinzame zokuqinisekisa ingomso elinoxolo nenkqubela, kusenzelwa ezi zizukuwana zikhoyo ngoku kanti nezizayo.

Uyacelwa ke ukuba uqhakamshelane neqela lokusebenza ngeimeyili kule adilesi: info@peoplesdialogue.org.za.

Joyina eli linge

Inkcazo Yentsusamabandla

Uthethwano Lokuqala: 4 KweyeThupha (Agasti) 2025

Iqela leenkokeli zamaqela oluntu aneenkcubeko zawo laba nentlanganiso kwi-intanethi ngomhla wesi4 KweyeThupha ngo2025. Injongo yayikukuba zingqubane ngeentloko, zibonisane malunga nokusebenzisana ekuqulunqeni uxwebhu lweziphakamiso olunokusiwa kubaququzeleli bale Ncoko Yesizwe icetywayo. Kuloo ntlanganiso kwathatyathwa ezi zigqibo zilandelayo:

  • Iinkokeli zavuma ukusebenzisana ukuqulunqa uxwebhu lweziphakamiso lokusiwa kwiNcoko Yesizwe; iziphakamiso ezivakalisa iimbono zezi nkokeli ngelizwe eli, iimbono ezizodwa ezimalunga nokuchaphazeleka kwamaqela oluntu ahlala ngokweenkcubeko zawo.
  • Olu xwebhu lweziphakamiso luya kubhengezwa kuwonkewonke phambi komhla we15 kule yeThupha ka2025.
  • Kwakhona, ezi nkokeli zavumelana ukulibhengeza nalo eli linge lokusebenzisana  (olu nxibelelwano lwamaqela oluntu aneenkcubeko zawo) elinoxanduva lokuqulunqa olu xwebhu lweziphakamiso.
  • Kwamiselwa ke iqela lokusebenza ukuze liqulunqe uxwebhu lweziphakamiso oluyidrafti  noluza  kuvunywa ziinkokeli. Olu xwebhu lwaluza kuqaliswa ngezinto ezithethwe ziinkokeli ngala mhla wentlanganiso, nasemva kwayo.  
  • Eli linge lokusebenzisana likwanenjongo yengomso; ngoko ke alipheleli kwiNcoko Yesizwe, liyagqitha kuyo.  

Izinto Esezenzekile

Iqela lokusebenza, emva kwaloo ntlanganiso, lafumana iziphakamiso ezivela kwiinkokeli, laza lenza uxwebhu olunesakhiwo esizihlela ezi ziphakamiso ngokwemixholo efanayo eyabonakalayo.

Ngomhla wesi8 kuAagasti ka2025 amaqumrhu abizwa ngokuthi zii”legacy foundations” abhengeza ukuba ayarhoxa kwiqela lokulungiselela iNcoko Yesizwe, arhoxa ke nakwiKhonvenshini Yokuqala Yesizwe leyo yokulungiselela iNcoko Yesizwe, eyayimiselwe umhla we15 kuAgasti ka2025.

Uthethwano Lwesibini: 11 Aagasti 2025

Intlanganiso elandelayo yabizwa ziinkokeli ngowe11 kuAgasti ka2025, ibizelwa ukuxoxa ngeziphakamiso esele zifunyenwe, nangalo uxwebhu oluyidrafti, nangendlela ekwakuza kuqhutywa ngayo, eyayiza kuxhomekeka kwizinto eziya kwenzeka. Kwathathwa ezi zigqibo zilandelayo ke kuloo ntlanganiso:

  • Iinkokeli zavumelana ukuba maziqhubeke zisebenza kunye ukwenza uxwebhu oluya kuveza imingeni engundoqo ejonge amaqela oluntu aneenkcubeko zawo apha kweli lizwe, imingeni ke efanele ukuba inikwe indawo ephambili yokuqwalaselwa, iyinikwe loo ndawo nayiyo iNcoko Yesizwe.
  • Eli linge lokusebenzisana liya kumiselwa ngokusesikweni ngokuthi kwenziwe uxwebhu olusisiseko, lusenziwa ziinkokeli zisebenza kunye, luvunywe kwazizo.
  • Ezi zinto zingentla ziya kuqhutywa de zigqitywe ngokumana ukuhlangana kumaqonga eintanethi, nangentlanganiso yobuso ngobuso, ibe nye.
  • Iinkcukacha ezimalunga neentlanganiso, nezenzo emazenziwe, eziquka ukukhupha izaziso zikawonkewonke kunye neengxelo eziya kumajelo eendaba, ziya kuba ngumsebenzi weqela lokusebenza.

Umyalezo ongqongqo

Eli linge lokusebenzisana likhupha umyalezo ongqongqo othi amaqela oluntu aneenkcubeko zawo kunye neenkokeli zawo – abamazwi abo angasoloko eviwa – ngoku athatha uxanduva kunye nenyathelo lokuqalisa ukuthethana, esenzela ukulungelwa kwezizukulwana zangoku nezizayo.

Iingxelo eziya kumajelo eendaba

Amaqela Oluntu Aneenkcubeko Aziindidi aseke unxibelelwano lwentsebenziswano phakathi kwawo oluyimbali ekuthiwa ukulubiza: Unxibelelwano Lwamaqela Eenkcubeko.

Ngomhla wama22 kweyeDwarha (kuOkthobha),iinkokeli zamaqela oluntu aneenkcubeko  zawo aziindidi aseMzantsi Afrika zaseka ngokusesikweni Unxibelelwano Lwamaqela Eenkcubeko(iCCN ngokwesishunqulelo sesiNgesi). Eli lilinge lentsebenziswano phakathi kweenkcubeko. Lilinge elizimisele ukuqinisekisa ukuba kubekho ikamva elinoxolo…
Funda nalapha Amaqela Oluntu Aneenkcubeko Aziindidi aseke unxibelelwano lwentsebenziswano phakathi kwawo oluyimbali ekuthiwa ukulubiza: Unxibelelwano Lwamaqela Eenkcubeko.

Iinkokeli zamaqela ngamaqela oluntu aneenkcubeko zawo ziza kusebenzisana kwiNcoko Yesizwe nakwezinye izinto

Iinkokeli zamaqela ngamaqela eenkcubeko aseMzantsi Afrika zivumelene ukuba ziseke ilinge lokusebenzisana eliya kuzenza zibe nako ukudibana zisebenze kunye ngendlela enentsingiselo nenokuphathana ngokuthembeka, zisebenzisane kwimicimbi ezichaphazela ngokufanayo, neyezinto ezixhalabisayo ezinokuxelwa ncakasana…
Funda nalapha Iinkokeli zamaqela ngamaqela oluntu aneenkcubeko zawo ziza kusebenzisana kwiNcoko Yesizwe nakwezinye izinto

Qhakamshelana nathi

Iinkcukacha zoqhakamshelwano

  • info@peoplesdialogue.org.za

 Shiya umyalezo

"*" indicates required fields

This field is for validation purposes and should be left unchanged.
Igama_Ifani*