Baholi bemiphakatsi leyehlukahlukene yemasiko kuze basebentisane kuNkhulumiswano yeSive nangemuvakwaloko
Baholi bemiphakatsi lehlukahlukene yemasiko aseNingizimu Afrika bavumelene kutsi basungule inhlanganisela yekusebentisana, letawenta kutsi bakhone kucocisana ngendlela lenesincumo nangekutsembeka, futsi bahlanganyele ekubhekisiseni tindzaba letibalulekile Kanye naletimcoka kubo bonkhe. Inhloso yekucala yaloluhlelo kutsi kwakhiwe umbhalo wekungenisa, lophawula ngalokucacile ngetinselelo letibhekene nemiphakatsi yemasiko, Kanye netinhlelo letihlongotiwe tekulungisa Leto tinselelo. Lombhalo wekungenisa utawuphindze uniketelwe kuNkhulumiswano yeSive.
LeNhlanganisela yekusebentisana ihlose kutsi kube nelikusasa lelinekuthula nekuphumelela labo bonkhe bantfwana bemiphakatsi yemasiko aseNingizimu Afrika. Umsebenti wayo utawendlulela ngale kuNkhulumiswano yeSive. Kusungulwa kwaleluhlelo lweNhlanganisela kulandzela tingcogco tebaholi tamuva maye Lana nelitfuba lekusebentisana kuNkhulumiswano yeSive. Sekumiswe Licembu lekusebenta kutsi lihlanganise umbhalo wekungenisa lotawuvunywa baholi, futsi lilawule inchubo lesemtsetfweni yalenhlanganisela yekusebentisana.
“Kuba khona kwemiphakatsi yemasiko ku liciniso, iNingizimu Afrika ayihlanganisi Bantfu Kanye nahulumende kuphela. Baholi netinhlangano letibeka emasiko, emagugu, lulwimi, bunikati bemasiko Kanye nemphakatsi wemasiko enkhabeni yekucondzisisa kwabo ngendlela yekusebentelana nemiphakatsi kufanele kutsi kuniketwe kucashelwa Kanye nendzawo dvutane nalabo lababeka umuntfu ngamunye noma umbuso enkhabeni yeluhlelo lwabo lwemibono. Kucocisana lokucondzile kufanele kubonakale ngekutsi kwehlukane imitfombo yemibono yebantfu kuvunyelwe futsi kufakwe. Kubalukekile kutsi kwakhiwe sikhala lesanele sekubona nekutiveta kwehlukahlukana kwemiphakatsi yemasiko naleminye, lebumbela sihlalo lesiliciniso senhlalo yetfu, futsi kutsi ibe nelilungelo ekwakheni likusasa layo liphindze libe nelivi etindzabeni letitsintsa yona, “kusho Umnumzane Barend Uys, longusihlalo welicembu lelisebentako.
“baholi bemiphakatsi yemasiko bamenyiwe futsi bakhutsatiwe kutsi bajoyine loluhlelo futsi babelane ngemibono yabo mayelana netinselelo letibhekene nemiphakatsi yemasiko Kanye netinhlelo letingenteka tekulungisa letinselelo. Letinkhinga kufanele tibe ngumgomo wemetamo wekucinisekisa likusasa lelinekuthula naleliphumelelako lemiphakatsi yelive, ngako-ke, kufanele tibe sisekelo teNkulumiswano yeSive. Loluhlelo lwekusebentisana lutfumela umlayeto locinile emiphakatsini yemasiko Kanye nebaholi bato-labo emavi abo langavami kuviwa-batsatse lelitfuba lekuhlanganyela nalabanye ngekusebentisana, nangekubambisana, ngenhloso yekuhlalisa ngekuthula kwetitukulwane tamanje netesikhatsi lesitako,”kusho Nkosi Langa Mavuso, lomunye wabosihlalo belicembu lelisebentako.
Lwati mayelana nemsebenti lweNhlanganisela yekusebentisana, kufaka ekhatsi nekungenisa kwembhalo weNkhulumiswano yeSive, kutawutfolakala kulelikhasi lelilandzelako: www.peoplesdialogue.org.za.