Baetapele go t\u0161wa go merafe ya dit\u0161o t\u0161e di fapanego ba kwane ka go \u0161omi\u0161ana ka seboka ka ga ditheri\u0161ano t\u0161eo di tlago ba t\u0161e di tiilego e bile e le t\u0161a go laet\u0161a tshepano gare ga bona le ka go boledi\u0161ana ka merero yeo e ba amago ka moka ga bona le ge e le ka ga diphapano t\u0161eo di ba amago. Dihlopha di tla thoma ka go hlopha goba go ngwala tokomane ya dintlha t\u0161eo di hlolago diphapano mo gare ga merafe ya dit\u0161o t\u0161e di fapanego le go leka go \u0161i\u0161inya ditharollo t\u0161a mathata a. Tokomane ye ya diinphuthi goba dintlha e tla ba ya i\u0161wa ka go National Dialogue.<\/p>\n\n\n\n
T\u0161homi\u0161ano ka dihlopha (ka seboka) e swanet\u0161e go ba le maikemi\u0161et\u0161o a go bona gore go ba le bokamoso bja khut\u0161o le t\u0161welopele go bana ka moka ba merafe ya dit\u0161o t\u0161a go fapana ba lefase le goba naga ye. Me\u0161omo ya bona e swanet\u0161e go gola go feta le ka morago ga National Dialogue. T\u0161homi\u0161ano ka seboka e tlile ka morago ga gore baetapele ba kwane ka go tsenela dipoledi\u0161ano ka go National Dialogue. Sehlophat\u0161homo se ile sa kgethwa go ngwala tokomane ya dintlha goba diinphuthi gore e tle e amogelwe ke baetapele le go rulaganya lenaneo la ka fao dit\u0161homi\u0161ano ka seboka di swanet\u0161ego go sepla ka gona.<\/p>\n\n\n\n
\u201cGo ba gona ga merafe ya dit\u0161o t\u0161e di fapanego ke tiragalo ye e phethaget\u0161ego goba ye e kgonaget\u0161ego e bile ye e tsebegago; Afrika Borwa ga se ya dulwa ke batho ba tee e le naga fela. Baetapele bao ba eti\u0161ago set\u0161o, bohwa, go itseba go ya ka set\u0161o le go amogela set\u0161o sa merafe ka mo dikgopolong t\u0161a bona le ka fao ba bonago batho le dit\u0161haba, ba swanet\u0161e go fiwa kamogelo ye e kgotsofat\u0161ago ga botse mo gare ga bao ba t\u0161eyago bono\u0161i goba mmu\u0161o go ba gare ga sebopego sa dikgopolo t\u0161a bona. Gore poledi\u0161ano e sepele gabotse ka tshwanelo diphapano t\u0161a maemo a dikgopolo t\u0161a badudi di swanet\u0161e go amogelwa le go bewa lenaneong. Go bohlokwa go dira gore go be le sekgoba sa kgonagalo ya go ba gona ga merafe ya dit\u0161o t\u0161a go fapafapana le ge e le merafe e mengwe yeo e lego maswika a motheo a dit\u0161aba t\u0161a rena le go bapala karolo ye bohlokwa mo thulaganyong ya bokamoso bja bona le go ba le maemo a go ikemela mo go dilo t\u0161eo di ba amago.\u201d O bolela bjalo Barend Uys, yo e lego yo mongwe wa badulasetulo sa sehlophat\u0161homo.<\/p>\n\n\n\n
\u201cBaetapele ba merafe ya dit\u0161o t\u0161e di fapanego ba lalet\u0161wa le go hlohlelet\u0161wa go tsenela gore ba be karolo mo go boipilet\u0161o bjo le gore ba tle ba kgone go fa dikakanyo ka go mathata ao a lebanego merafe ya dit\u0161o t\u0161e di fapanego le dikgonagalo t\u0161a go humana ditharollo t\u0161a mathata a. Dikokwane t\u0161e di swanet\u0161e go bewa gare ga dipoledi\u0161ano go fa tii\u0161et\u0161o ya gore go ba le bokamoso bjo bo tiilego bja khut\u0161o le t\u0161welopele mo dit\u0161habeng t\u0161a naga ye le gore e ba dikokwane t\u0161eo di lebelelwago ke tshepedi\u0161o ya National Dialogue. Talet\u0161o ye ya t\u0161homi\u0161ano ka seboka e romela molaet\u0161a o bohlokwa gore dit\u0161o t\u0161a merafe ya go fapana le baetapele ba bona \u2013 bao ga nt\u0161i mant\u0161u a bona a sa theet\u0161wego goba gona go kwewa \u2013 ba t\u0161eya maikarabelo le ditii\u0161et\u0161o t\u0161a go tsenela dipoledi\u0161ano gare ga bona gore ba be le dikgolego le phedi\u0161ano ka khu\u0161o gare ga dit\u0161haba le bokamoso bjo bo thabi\u0161ago bja dit\u0161haba t\u0161a lehono.\u201d O felelet\u0161a ka go realo Nkosi Langa Mavuso, yo e lego e mongwe wa Badulasetulo ba Sehlophat\u0161homo sa National Dialogue<\/p>\n\n\n\n