Ditšhaba tša ditšo tša go fapafapana di dira netweke (kgokagano) ya histori ya go tsenela ditherišano magareng a maloko a ditšo tše di fapafapanego.

Baetapele go tšwa go ditšhaba tša ditšo tše di fapafapanego ba Afrika Borwa ba dirile lekgotla la Cultural Communities Network (CCN) semmušo (fomale), ka la 22 Oktobere 2025, ye e lego kgokagano goba netweke ya ditherišano gare ga ditšhabatšhaba tša ditšo tše di fapafapanego ye e ikgethilego yeo maikemišetšo a yona e lego go dira gore go be le bokamoso bja tšwelopele le khutšo mo go bana ka moka ba ditšo tša ditšhaba tša meraferafe ye e fapanego ya naga ye.

CCN e ba foramo ya fomale ya badudi ba ditšo ka moka go rerišana ka tshwanelo, ka mokgwa wa botshepegi le go boledišana ka merero le mathata (di išu) ao a amago le go hlagela dtšhaba ka moka tša ditšo tše di fapanego. CCN e theilwe (goba e adopthilwe) godimo ga molao wa Rules of Order wa kopano ya CCN ke maloko a 38 go tšwa go ditšhaba tše 26 tša maloko a go fapana ao a tšwago go ditšo tše di fapafapanego go tšwa go diprofentse ka moka tšeo di ilego tša kgona go ba gona kopanong ya go fomalaesa (go dira le be la semmušo) kua Pretoria. Dipoledišano mo kopanong ye ya mathomo, ya go tla ka sebele ya CCN, e bile go ahla-ahla ka ditema tše pedi: ditebelelo le dikamogelo tša ditokelo tša ditšo le tšwelopele ya ikonomi le maphelo a batho.

Tlhamo ya mokgatlo wa CCN e latela dipoledišano tše di ilego tša ba gona malobanyana gare ga boetapele bja ditšhaba tša ditšo tša go fapafapana mabapi le go tšweletša tokomane ya diinphuthi yeo e swanetšego go išwa kua go National Dialogue. Tokomane ye e tla lemoša ka dinyakwa tše di tsomegago tše bohlokwa (dipespektibi) ka ga boleng bja mathata ao ditšhaba tša ditšo tša go fapana di lebanego le wona le go šišinya maano goba dikakanyo tša ditharollo tšeo di kago kgonega mo go mathata a.

Dikopano-thulaganyo tša mathomo di lemošitše ka ga ditokelo tša ditšo seo se dirilego gore go lemogwe ka difokhase tše di latelago:

• Tlhabollo le promoušeni ya dipolelo tšeo di sego tša amogelwa le go hlabollwa gabotse’
• Promoušeni ya maleme a letswele dithutong ka go ditšhaba tša ditšo ka moka
• Promoušeni le kamogelo ya ditšo tša ditšhaba ka moka , kudu-kudu go lebelelwa ditšo tša ditšhaba tša go fapafapana tša Khoi-San,  Ma-Afrikanere le ditšhaba tša ditšo ka moka tšeo di sego tša amogelwa.
• Tiišo le hlabollo ya ditokelo tša ditšo
• Promoušeni le hlabollo ya go ba bengmobu ka go ditšhaba tša ditšo tše di fapanego
• Tšhireletšo le tlhabollo ya bohwa (herithetši) le mafelo a mangwe a go amana le bohwa.

Dikopano-thulaganyo ka ga maphelo a batho (ditšhaba) le ikonomi di dirle gore re lemoge difokhase tše di latelago:

• Kgonagalo le temogo ya go hlama melao ye e swanetšego ya ditšhaba tša ditšo gore di kgone go laola (manetša) le go ba le dithaitlele tša dinaga tša dtšo
• Go hwetšagala ga mekgwa ya ditšhaba tša ditšo ya go ka holega ka tshwanelo ka go  dimaene le tše dingwe tša di ekthibithi tša mahumo le ikonomi tše di lego ka go dinaga tša bona.
• Tšhomišano le go dira diphatnashipi ka go polana, go tšweletša le go faenentsa.
• Go promouta thuto, di treining (dithuto tša mešomo) le kgodišo ya di skili
• Tiišetšo ya go itshepa-ka-noši le go ikema ka go aga maatla a naga ka hlabollo ya  temo le tše dingwe tša dihlabollo tša dikgwebišano ka go šoma ka seboka (phatnashipho)
• Go ithuta go tšwa go dihlabologo tša maloko a ditšo tše dingwe.

Maloko a baemedi go tšwa go dikhomunithi tše di latelago a bile gona ka go dikopano-thulaganyo (inkeitšimente): Afrikaner Nama, Afrikaner AfriForum le Solidarity Movement, AmaBhele AseLenge, Amaquas Nama, AmaQwathi, BakaMawewe, Bakgatla Ba Kgafela, Bakgatla Ba Moshetla, Batlharo Boo Tokwana Ba Ga Masibi, Barolong Boo Seleka, Danster Korana, Lebelo, Links Korana, Mahumani, Majeje, Makholokoe, Malangeni, Mandlakazi, Marishane, Ovaherero, Phaahla, Taaibosch Korana, Waterboer Griqua, Xam Kei Korana and Yzerbeck Korana. Maloko a mangwe a dikhomunithi a be a emetšwe ke baemedi ba di ikema ka noši (obtseba). CCN e laletša mekgatlo ya ditšo, mekgatlo ya dikhomunithi, boetapele bja ditšhaba tša ditšo le magoši, mekgatlo ya baemedi ba dikhomunithi le mekgatlo ka moka yeo e emelago ditšo le dinyakwa le ditumo (inthareste) tša ditšhaba gore ba tle ba tsenele mokgatlo wo wa histori gore ba be le nnete ya gore go ba le tšwelopele le phedišano ka khutšo go tloga legatong la fase la ditšo ka moka.